ߖ.ߡ.ߟ ߞߙߎߞߊ ߓߏߟߏ߲ߝߘߊ߫ ߁߇ ߡߍ߲ ߠ߬ߎ ߦ߫ߋ ߡߊ߲߬ߖߊ߲߬ߠߊ߫ ߡߙߊ߬ߓߊ߰ߘߊ ߞߣߐ߫߸ ߏ߬ ߟߎ߬ ߓߘߊ߫ ߘߏ߫ ߝߐ߫ ߘߋ߬، ߊ߬ߟߎ߫ ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߂߀߂߅ ߞߊ߬ߙߌ߬ߝߐ ߕߟߋ߬ ߁߂߸ ߞߵߊ߬ߟߎ߬ ߟߊ߫ ߣߌߛߐߜߏߦߊ ߘߝߊߣߍ߲ ߦߌ߬ߘߊ߬߸ ߞߵߊ߬ ߓߍ߲߬ ߡߐ߱ ߘߏ߫ ߟߎ߫ ߟߊߘߎ߲߫ ߞߏ ߡߊ߬ ߖߌ߬ߣߍ߬ ߜߍߞߊ߲ߠߊ ߞߙߎߞߊ ߘߐ߫߸ ߡߍ߲ ߡߊ߫ ߕߊ߬ ߖߊ߬ߡߊ ߟߊ߫ ߓߍ߲߬ߡߊ߬ߞߊ߲߫ ߡߊ߬ ߝߏ߫ ߝߊ߲߬ߞߋ߬ߟߋ߲߬ߡߊ߬ߦߊ ߣߌ߫ ߣߌߘߌ߲ߞߏߦߊ، ߓߊߏ߬߸ ߊ߬ߟߎ߬ ߞߊ߲߫ ߞߏ߫ ߟߊ߬ߘߎ߲߬ߠߌ߲ ߏ߬ ߞߍߣߍ߲߫ ߕߋߟߋ߲ߓߊߟߌߦߊ ߟߋ߬ ߟߊ߫߸ ߡߍ߲ ߡߊ߫ ߓߍ߲߬ ߓߍ߯ߦߊ ߛߋ߲߬ߞߊ߲ ߡߊ߬߸ ߏ߬ ߡߍ߲ ߦߋ߫ ߖߡߟ ߛߌ߰ ߞߎ߲ߧߊ ߘߌ߫، ߞߎߡߊ ߏ߬ ߝߐߣߴߊ߬ߟߎ߬ ߓߟߏ߫ ߟߋ߬߸ ߓߊߏ߬߸ ߊ߬ߟߎ߬ ߟߊ߫ ߞߙߎߞߊ ߓߘߍ߬ߓߘߍ߬ߟߌ߬ ߛߓߍߘߊ߫ ߝߊ߬ߛߏ߬ߟߊ߬ߞߊ ߣߐ߬ ߊ߬ߟߎ߬ ߟߊ߫ ߕߐ߯ߟߡߊ ߘߏ߫ ߟߎ߫ ߟߋ߬ ߟߊߘߎ߲߫ ߠߊ߫ ߖߌ߬ߣߍ߬ ߜߍߞߊ߲ߠߊ ߘߐ߫߸ ߡߍ߲ ߡߊ߫ ߘߌߦߴߊ߬ߟߎ߬ ߦߋ߫߸ ߦߏ߫ ߡߊ߲߬ߓߌ߫ ߞߡߊ߬ߙߊ߬߸ ߕߊߟߓߌ ߘߊߓߏ߫߸ ߟߊ߱ߖߌ߬ ߡߎߛߊ߫ ߕߙߊߥߟߋ߫߸ ߓߊ߬ߓߎ߫ ߛ߭ߋ߬ߙߌߝ߸ ߊ߬ ߣߌ߫ ߊ߲߬ߛߎ߬ߡߊߣ ߝߏߝߣߊ߫.
ߟߊ߬ߛߋ߬ߟߌ߬ ߛߓߍ ߣߌ߲߬ ߞߟߊ߬ߣߐ߬ߦߊ߬ߓߊ߮ ߟߎ߬ ߞߊ߲߫߸ ߡߙߌߘߐ ߣߌ߲߬ ߕߊ߬ߣߍ߲߫ ߠߋ߬߸ ߞߏߟߊߒߞߘߐߢߐ߲߯ߦߊ߫ ߡߊ߫ ߞߍ߫߸ ߊ߬ ߡߊ߫ ߛߊ߬ߙߊ߫ ߡߐ߰ ߟߊ߫ ߝߣߊ߫ ߞߊ߬ ߖߊ߬ߡߊ ߡߙߌߦߊ ߢߌߣߌ߲߫، ߏ߬ ߟߋ ߘߐ߫߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߖߌ߰ߟߊ߬ߝߐߦߊ߫ ߞߵߊ߬ߟߎ߬ ߣߌߛߐߜߏߦߊ߫ ߝߋߎ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߍ߲ ߠߎ߬ ߜߍ߲ߣߍ߲߫ ߣߌ߲߬߸ ߏ߬ ߟߎ߬ ߓߘߊ߫ ߛߌߦߊߡߊ߲߫ ߠߋ߬ ߞߍ߫ ߖߡߟ ߞߙߎߞߊ ߦߋ߫߸ ߡߍ߲ ߠߎ߬ ߓߘߴߊ߬ ߦߌ߬ߘߊ߫ ߖߊ߬ߡߊ ߟߊ߫ ߞߏ߫ ߊ߬ߟߎ߬ ߘߌ߫ ߛߋ߫ ߞߏ߫ ߟߊ߫ ߝߣߊ߫ ߞߙߎߞߊ ߡߙߌߦߊ ߟߊߛߓߊ߬ߕߌ ߘߐ߫.
ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߞߏߓߊ߫ ߛߊ߬ߓߊ߫ ߟߋ߬ ߢߌߣߌ߲߫ ߠߊ߫:
߁. ߞߊ߬ ߟߊ߬ߘߎ߲߬ߠߌ߲߬ ߞߏ ߓߐ߫ ߊ߬ ߡߊ߬ ߌߞߘߐߞߘߐߣߌ߲߬߸ ߣߌ߫ ߛߙߊߕߌ߫ ߕߍ߫.
߂. ߞߊ߬ ߡߊ߬ߞߟߐ߬ (ߜߍ߲ߓߊ߯ߕߐ) ߏ߬ ߟߎ߬ ߟߊߛߊ߬ߦߌ߲߫ ߊ߬ߟߎ߫ ߟߐ߬ߘߎ߮ ߘߐ߫ ߞߵߊ߬ߟߎ߬ ߤߊߞߍ ߓߍ߯ ߘߝߴߊ߬ߟߎ߬ ߦߋ߫.
߃. ߞߊ߬ ߘߊߘߐߖߊߥߏ ߘߊ ߟߊߞߊ߬ ߞߙߎߞߊ ߗߋߕߌ߯ (ߛߊ߲ߘߐ߫ ߞߐߣߊߞߙߌߞߊ) ߟߎ߬ ߣߌ߫ ߞߣߐߟߊ ߡߐ߱ ߟߎ߬ ߕߍ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߡߙߌߦߊ ߦߋ߫ ߖߛߎ߬ߛߎߡߊ ߟߊߘߏ߲߭ ߠߋ߬ ߘߌ߫ ߞߙߎߞߊ ߞߣߐ߫߸ ߊ߬ߟߎ߬ ߕߍ߫ ߡߊ߬ߛߌ߬ߟߊ߲߬ߠߌ߲߬ ߣߌ߫ ߡߊ߬ߓߊ߰ߓߊ߰ߟߌ߫ ߝߍ߬߸ ߊ߬ߟߎ߬ ߕߍ߫ ߛߏ߬ߙߌ߫ ߛߊ߬ߣߐ߮ ߟߊ߫ ߛߓߍߘߊ ߝߍ߬ ߜߍߞߊ߲ߠߊ ߘߐ߫ ߝߋߎ߫߸ ߞߎߡߊߕߍ߫ ߓߙߋߡߊ߬ ߖߊߟߏ߫ ߡߊ߬ ߡߊ߲߬ߖߊ߲߬ߠߊ߬ ߞߣߐ߫، ߊ߬ߟߎ߬ ߟߊ߫ ߡߞߊ߬ߛߟߌ߬ ߞߊ߲߬ߠߊ ߟߎ߬ ߞߊ߲߬ߟߊ ߘߐ߫ ߛߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߖߡߟ ߞߙߎߞߊ߫ ߛߊ߲ߘߐ ߟߎ߬ ߦߋ߫ ߞߊߘߊ߲ ߓߍ߯ ߞߍ߫߸ ߞߵߊ߬ߟߎ߬ ߟߊ߫ ߞߙߎߞߊ ߡߐ߱ ߟߎ߬ ߘߝߊ߫ ߞߐߣߊߞߙߌ߫ ߞߊ߬ߝߏ߬ߙߋ߲߬ ߁߃ ߞߣߐ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߡߙߊ߬ߓߊ߰ߘߊ ߟߎ߬ ߝߣߊ߫ ߞߣߐ߫، ߞߵߏ߬ ߟߊ߫ ߡߎ߲߬ ߞߊ߲߬߸ ߞߊ߬ ߞߎ߲߬ߜߙߊ߫ ߣߊ߬ߕߐ ߘߐߓߍ߲߬ ߖߏߣߊ߫ ߞߵߏ߬ ߞߍ߫ ߞߎ߲߬ߢߐ߲߯ ߣߊ߬ߕߐ ߟߎ߬ ߘߐ߫ ߞߊ߲ߞߊ߲߫ ߞߣߐ߫.
ߊ߬ߟߎ߫ ߞߵߊ߬ߟߎ߬ ߟߊ߫ ߞߎߡߊ ߞߎ߲߬ߘߏ߲ ߞߍ߫ ߞߟߌߟߌ ߟߋ߬ ߘߌ߫߸ ߞߏ߫ ߊ߬ߟߎ߬ ߟߊ߫ ߞߙߎߞߊ ߛߍ߬ߘߏ߲߬ߠߊ ߟߎ߬ ߦߋ߫ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߘߍ߬ ߞߊ߬ ߡߊ߬ߞߟߐ߬ ߟߊߘߎ߲ߣߍ߲ ߠߎ߬ ߞߐߡߊߓߌ߲ߓߌ߲߫߸ ߛߊ߫ ߓߍ߯ߦߊ ߘߌ߫ ߟߊߘߏ߲߬ ߞߵߊ߬ ߟߊߖߌߡߌ߲߫ ߞߙߎߞߊ ߞߣߐ߫ ߓߘߍߞߍ߭.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
