ߖߌ߬ߣߍ߬ ߓߘߊ߫ ߛߋ߲߬ߕߊ߬ ߞߎߘߊ߫ ߞߍ߫ ߖߌ߬ߣߍ߫ ߛߌ߰ߓߊ߰ߓߙߍ߬ߟߐ߲ ߘߐ߫، ߡߊ߲߬ߕߏ߲߬ߕߍ߬ ߓߌ߬ߟߊ߬ߢߐ߲߰ߡߊ ߣߌ߫ ߝߊ߲߬ߝߘߊ ߞߏߕߌ߮߸ ߌߛߑߡߊߍߟ ߣߊ߬ߓߋ߬ ߓߘߊ߫ ߖߌ߬ߣߍ߫ ߡߌ߬ߙߌ߲߬ߘߌ ߖߊ߬ߕߋ߬ ߞߎߘߊ ߝߐ߫ ߞߵߊ߬ ߟߊߕߍ߰߸ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߫ ߛߌ߰ߓߊ߮ ߓߘߊ߫ ߛߋ߫ ߡߐ߰ ߞߋ߲߬ߥߟߎ߬ ߁߇ ߘߐ߫߸ ߞߵߊ߬ ߓߍ߲߬ ߛߌ߰ߦߙߐ ߣߌ߫ ߡߌ߬ߙߌ߲߬ߘߌ ߝߘߏ߬ߓߊ߬ ߖߊߕߋߛߎߓߐ ߣߊ߯ߣߌ߲ߣߊ߲ ߞߐߝߟߌ߫ ߞߎ߲߬ߝߟߐ ߡߊ߬.
ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߞߊ߬ߦߌ߯ ߓߌߟߏ߲ ߠߋ߬ ߡߊ߬ ߞߏߕߌ߯ ߝߟߐߘߊ ߟߊ߫߸ ߏ߬ ߞߍ߫ ߘߊ߫ ߟߊ߬ߘߍ ߘߏ߫ ߟߋ߬ ߛߋ߲߭ߝߍ߬ ߦߋ߲߬ ߞߵߊ߬ ߓߍ߲߬ ߖߊ߬ߕߋ߬ߛߎ߬ߎߓߐ ߛߋ߲߬ߕߊ ߓߙߍ߬ߟߐ߲ ߡߊ߬߸ ߊ߬ߟߋ ߡߍ߲ ߦߋ߫ ߘߐ߬ߕߊߡߌ߲ ߠߊ߫ ߢߍߥߟߊ ߟߎ߫ ߖߎ߬ߓߊ߬ߖߎ ߘߌ߫ ߞߊ߬ߣߌ߲߬، ߏ߬ ߟߵߖߊ߬ ߦߌ߬ߘߊ߬ ߟߊ߫ ߞߏ߫ ߖߊ߬ߕߋ ߓߘߊ߫ ߦߍ߬ߟߍ߫ ߛߋ߲߬ߢߊ ߣߌ߲߬ ߝߍ߬ ߝߋߝߋ߫.
ߞߏߕߌ߯ ߌߛߑߡߊߍߟ ߣߊ߬ߓߋ ߞߊ߲߫ ߞߏ߫: <<ߊ߲ ߕߎ߲߬ ߞߵߊ߬ ߦߋ߫ ߟߋ߬߸ ߞߏ߫ ߞߋ߲߬ߥߟߎ߬ ߁߄ ߠߋ߬ ߕߘߍ߬، ߒ߬ߓߊ߬ ߓߌ߬߸ ߊ߲ ߠߊ߫ ߡߌ߬ߙߌ߲߬ߘߌ ߓߘߊ߫ ߛߋ߫ ߞߋ߲߬ߥߟߎ߬ ߁߇ ߘߐ߫.>>
ߢߊߝߐߟߌ߫ ߖߐ߲ߖߐ߲߫ ߞߏ߬ߣߌ߲ ߡߊ߫ ߞߍ߫ ߣߌ߲߬ ߞߏ ߞߊ߲߬ ߡߎߣߎ߲߬߸ ߛߴߊ߬ ߘߌ߫ ߟߐ߲߫ ߖߊ߬ߡߊ ߛߌߦߊߦߊߣߍ߲߫ ߣߌ߲߬ ߢߊ߫ ߛߎ߮ ߡߊ߬ ߢߊ ߡߍ߲ ߡߊ߬، ߓߊߏ߬߸ ߝߏ߫ ߢߊߝߐߟߌ߫ ߞߟߊ߬ߟߊ߬ߡߊ߫ ߟߋ߬ ߞߍ߫ ߊ߬ ߞߊ߲߬߸ ߡߍ߲ ߛߌ߫ ߛߋ߫ ߢߊߦߋ߫ ߟߊ߫ ߡߌ߬ߙߌ߲߬ߘߌ ߓߟߏ߫، ߣߴߏ߬ ߝߣߊ߫ ߞߍ߫ ߘߊ߫ ߕߎ߬ߡߊ ߡߍ߲ ߠߊ߫߸ ߊ߲ ߘߌߣߵߏ߬ ߞߌ߬ߛߍ ߞߍ߫ ߊߟߎ߫ ߕߍ߯.
ߛߊ߲߭ ߺ ߊ ߺ ߛߊ߲߬߸ ߦߙߌߞߊ ߘߏ߫ ߟߋ߬ ߘߌ߫ ߟߊ߫ ߖߡߊ߬ߣߊ ߟߎ߫ ߡߊ߬߸ ߖߡߊ߬ߣߊ߬ߘߋ߲ ߡߍ߲ ߠߎ߬ ߘߌ߫ ߛߋ߫ ߕߊ߯ ߟߊ߫ ߤߖߌ ߟߊ߫، ߏ߬ ߟߋ ߘߐ߫߸ ߞߏߕߌ߮ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߖߊ߬ߡߊ ߓߙߍ߬ߦߊ ߡߍ߲ ߘߌߣߍ߲߫ ߖߌ߬ߣߍ߫ ߡߊ߬ ߢߌ߬ߣߊ߲߬ ߤߖߌ ߘߐ߫߸ ߏ߬ ߞߊ߫ ߘߐ߯، ߞߊ߬ߕߎ߲߯߸ ߖߌ߬ߣߍ߬ ߟߊ߫ ߖߊ߬ߡߊ ߕߊ߬ߣߍ߲߫ ߠߋ߬߸ ߞߵߊ߬ ߞߍ߫ ߦߏ߫ ߡߐ߱ ߞߋ߲߬ߥߟߎ߬ ߁߀ ߦߋ߫ ߖߡߊ߬ߣߊ ߡߍ߲ ߞߣߐ߫، ߓߊߏ߬߸ ߡߐ߱ ߁߀ ߀߀߀ ߠߋ߬ ߘߌߣߍ߲߫ ߖߌ߬ߣߍ߫ ߖߡߊ߬ߣߊ ߡߎ߰ߡߍ ߡߊ߬.
<<ߡߍ߲ ߓߍ߲߬ߣߍ߲߫ ߢߌ߬ߣߊ߲߬ ߤߖߌ ߡߊ߬߸ ߊ߬ߟߎ߫ ߣߐ߬ ߤߖߌߟߊ ߁߀ ߀߀߀ ߠߋ߬ ߘߌ߫ ߟߴߊ߲ ߡߊ߬، ߊ߲ ߘߏ߲߬ ߓߘߊ߫ ߛߋ߫ ߡߐ߰ ߞߋ߲߬ߥߟߎ߬ ߁߇ ߘߐ߫، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߊ߲ ߠߊ߫ ߕߣߐ߬ ߓߘߍ߬ ߕߴߏ߬ ߘߐ߫ ߡߎ߰ߡߍ߫.>> ߞߏߕߌ߮ ߞߵߏ߬ ߟߋ ߝߐ߫.
ߞߎ߲߬ߠߊ߬ߛߌ߮ ߦߴߊ߬ ߘߐߞߕߌ ߞߊ߲߬ ߏ߬ ߟߋ ߘߐ߫߸ ߛߊ߫ ߢߊ ߘߌ߫ ߡߊߖߌ߰ ߏ߬ ߞߏ ߞߘߐ߫߸ ߊ߬ߟߎ߬ ߣߌ߫ ߛߊ߬ߥߎ߬ߘߌߦߊ ߞߎ߲߬ߠߊ߬ߛߌ߮ ߟߎ߬ ߦߋ߫ ߓߍ߲߬ ߊ߬ ߘߐ߫߸ ߞߊ߬ ߘߏ߫ ߟߊ߫ ߖߌ߬ߣߍ߫ ߣߌ߭ ߞߊ߲߬.
ߛߌ߰ߦߙߐ ߣߌ߫ ߡߌ߬ߙߌ߲߬ߘߌ ߝߘߏ߬ߓߊ߬ ߖߊߕߋߛߎߓߐ ߣߊ߯ߣߌ߲ߣߊ߲ ߣߌ߲߬ ߦߋ߫ ߘߐ߬ߕߊߡߌ߲ ߠߊ߫ ߞߏ ߟߎ߬ ߘߐ߫ ߞߎ߲߬ߓߊ ߘߏ߫ ߟߋ߬ ߘߌ߫ ߖߌ߬ߣߍ߬ ߞߣߐ߫، ߞߏߕߌ߮ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߘߴߊ߬ߟߎ߬ ߞߊߘߊ߲߫ ߞߊ߬ ߓߊ߯ߙߊ߫ ߜߍߦߊ ߣߌ߫ ߢߊߟߐ߲ ߣߌ߫ ߟߐ߲ߞߏ ߟߊ߫ ߣߌ߲߬ ߞߏ ߘߐ߫ߑ߸ ߖߐ߲߰ߛߊ߫ ߞߐߝߟߌ߫ ߓߘߍ ߟߎ߬ ߘߌ߫ ߟߊߓߐ߫ ߞߊߙߏ߫ ߜߘߍ߫ ߟߎ߫ ߝߣߊ߫ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ
