ߖߌ߬ߣߍ߬ ߞߏߕߌ߯ ߝߟߐ ߓߘߊ߫ ߢߣߊߕߊߟߌ߫ ߖߊߕߋߛߎߓߐ߫ ߖߐ߯ߙߊ߲߫ ߃ ߀߀߀ ߡߎ߰ߡߍ߬ ߟߊߛߐ߬ߘߐ߲߬ ߜߍ ߘߐ߫ ߥߛߊߞߙߊ߫߸ ߏ߬ ߡߍ߲ ߦߋ߫ ߖߡߊ߬ߣߊ ߢߣߊߕߊߟߌ ߛߋ߲߬ߕߊ߬ߓߊ ߘߏ߫ ߘߌ߫ ߞߊ߬ߣߌ߲߬، ߊ߬ߟߋ߬ ߟߊ߬ߛߣߍ߬ߟߌ ߖߊ߲߬ߖߏ߲ ߣߌ߲߬ ߡߊ߫ ߝߐ߫ ߖߡߊ߬ߣߊ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮ ߞߐ߫߸ ߊ߬ ߣߌ߫ ߞߟߍ߬ߡߐ߰ߘߊ ߘߊ߯ߘߐ ߞߎ߲߬ߕߌ߮.
ߖߐ߯ߙߊ߲ ߡߍ߲ ߠߎ߬ ߣߊ߬ߣߍ߲߫ ߣߌ߲߬߸ ߊ߬ߟߎ߬ ߘߐߕߟߊߣߍ߲߫ ߞߵߊ߬ߟߎ߬ ߞߍ߫ ߞߎߘߎ߲߫ ߂߇ ߟߋ߬ ߘߌ߫߸ ߕߟߋ߬ߓߊ߮ ߟߎ߬ ߦߋ߫ ߡߍ߲ ߠߎ߬ ߘߐ߫߸ ߊ߬ ߣߌ߫ ߓߟߏߣߙߌߕߊߟߊ߲ ߠߎ߬ ߣߌ߫ ߢߊߞߐ߬ߟߐ ߡߊߟߐ߲ߟߊ߲߫ ߓߘߊߦߊߟߊ߲ߡߊ߸ ߖߐ߲߰ߛߊ߫ ߡߐ߰ ߞߋߟߋ߲ ߞߊߣߊ߬ ߛߴߊ߬ ߛߋ߲߬ߢߊ߫ ߝߌ߬ߟߊ߬ ߟߴߊ߬ ߞߏ ߘߐ߫ ߖߡߊ߬ߣߊ ߛߓߍߘߐߓߊ ߞߣߐ߫߸ ߊ߬ ߣߌ߫ ߢߣߊߕߊߟߌ߫ ߛߓߍ ߕߐ߬ߡߊ ߟߎ߬.
ߗߋߕߌ߮ ߡߍ߲ ߘߐ߱ߘߏ߲߬ߣߍ߲߫ ߢߣߊߕߊߟߌ ߣߌ߫ ߓߘߍ߬ߓߘߍ߬ߟߌ ߞߏߢߊ ߟߎ߬ ߟߊ߫߸ ߏ߬ ߞߊ߲߫ ߞߏ߫ ߖߊ߬ߕߋ߬ߛߎ߬ߓߐ߬ ߢߎߡߍߙߋ߲ߡߊ ߣߌ߲߬ ߞߍߕߐ߫ ߣߊ߲߬ߒ߬ߕߊ߲߬ ߛߓߍߘߐ ߝߊ߲ߞߊ߲ ߣߌ߫ ߡߊ߬ߡߙߊ߬ߟߌ ߖߊ߬ߕߋ߬ߛߎ߬ߓߐ߬ ߢߍߥߟߊ߫ ߝߊ߬ߛߏ߬ߟߊ߬ߞߊ ߟߊ߫ ߞߊߡߊ߲ ߠߋ߬ ߞߣߐ߫، ߊ߬ ߞߎ߲߭ ߕߍ߫ ߘߏ߫ ߜߘߍ߫ ߘߌ߫߸ ߞߊ߬ ߖߡߊ߬ߣߊ߬ ߡߐ߮ ߟߎ߬ ߟߊߞߎ߲߫ ߛߓߍߘߐ߫ ߞߋߟߋ߲߫ ߞߣߐ߫߸ ߊ߬ ߣߌ߫ ߞߊ߬ ߢߣߊߕߊߟߌ߫ ߞߐߕߐ߮ ߟߏ߲ߘߐߦߊ߫.
ߘߎ߰ߞߣߍ ߡߊ߬ߡߙߊ߬ߟߌ ߕߊ߲ߓߊ߲ߓߐߟߌ ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߞߏ߫ ߟߋ߬ ߘߌ߫߸ ߡߐ߰ ߘߌ߫ ߡߍ߲ ߕߊ߲߬ߘߏ߬، ߓߊߏ߬߸ ߞߊ߲ߓߍ߲ ߞߊ߲ߕߌ߮ ߞߊ߬ ߟߊ߬ߤߘߌ ߡߍ߲ ߕߊ߬ ߂߀߂߄ ߞߏߟߌ߲ߞߏߟߌ߲ ߕߟߋ߬ ߃߁ ߡߊ߬߸ ߏ߬ ߟߋ ߟߊߕߋߟߋ߲ߣߍ߲߫ ߣߌ߲߬ ߛߎߋ߫߸ ߞߵߊ߬ ߓߐ߫ ߊ߬ ߛߌߟߊ ߝߍ߬.
ߞߏߕߌ߯ ߝߟߐ ߝߣߊ߫ ߞߵߊ߬ ߦߌ߬ߘߊ߬߸ ߞߏ߫ ߝߋ߲ ߡߍ߲ ߠߎ߬ ߣߊ߬ߣߍ߲߫ ߣߌ߲߬߸ ߏ߬ ߦߋ߫ ߛߍߥߊ߫ ߞߏߓߊ߫ ߟߋ߬ ߘߌ߫، ߞߊ߬ߕߎ߲߯߸ ߞߏ߫ ߊ߬ߟߎ߬ ߞߍߕߐ߫ ߟߋ߬ ߞߏ ߟߎ߬ ߟߞߊߟߌߦߊ߫ ߟߊ߫ ߣߌ߲߬ ߒߞߘߐ߫߸ ߞߊ߬ ߡߐ߱ ߟߎ߬ ߟߊߖߌ߰ ߞߣߍ ߞߊ߲߬߸ ߞߊ߬ ߓߊ߯ߙߊ ߟߎ߬ ߟߊߥߟߌ߬ ߞߊߟߌߦߊ ߘߐ߫، ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߢߌ߲߬ ߠߋ߬ ߞߍߕߐ߫ ߕߙߎ߬ ߘߌ߫ ߞߊ߬ ߢߣߊߕߊߟߌ߫ ߞߐߕߐ߯ ߓߘߍߓߘߍ ߛߐ߬ߘߐ߲ ߠߊߣߐ߰ߦߊ߬.
ߛߟߊߕߌ߯ ߊߡߊߘߎ߫ ߎ߯ߙߌ߬ ߓߊ ߞߵߊ߬ ߦߌ߬ߘߊ߬ ߞߏ߫ ߞߍߢߊ߫ ߞߍߢߊ߫ ߞߎߘߊ ߢߌ߲߬ ߠߋ߬ ߞߍߕߐ߫ ߛߊߓߎ߫ ߘߌ߫ ߞߊ߬ ߕߎ߬ߡߊ߬ ߘߐ߬ߖߊߛߌ ߞߟߍ߬߸ ߞߊ߬ ߢߣߊߕߊߟߌ߫ ߣߊ߬ߕߐ ߟߎ߬ ߜߘߌߛߌ߰.
ߊ߬ߟߎ߬ ߞߊ߲߫ ߝߣߊ߫ ߞߏ߫ ߦߊ߬ߣߌ߫ ߕߟߋ߬ ߘߊ߲ߘߐ߫ ߌߞߐ߫߸ ߡߍ߲ ߣߊ߬ߣߍ߲߫ ߣߌ߲߬߸ ߏ߬ ߢߐ߲߰ ߝߣߊ߫ ߞߊ߫ ߞߊ߲߫ ߞߊ߬ ߣߊ߬، ߊ߬ߟߎ߬ ߘߌߣߊ߬ ߕߊ߯ ߏ߬ ߝߣߊ߫ ߞߎ߲߭ߓߍ߲߬ ߛߊ߲ߡߊߘߊ߲߫ ߡߊ߬ߕߏ߲߬ߕߍ߬ߟߊ߬ߞߊ߫ ߊߤߊߡߊߘߎ߫ ߛߋߞߎ߫ ߕߎ߬ߙߋ߬ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߢߌ߲߬ ߠߎ߬ ߓߍ߯ ߞߍߕߐ߫ ߕߋߟߋ߲ ߣߌ߫ ߜߍߦߊ ߟߋ߬ ߞߣߐ߫.
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߓߟߏ߫
