ߡߐ߰ ߛߊ߬ߓߊ߫ ߟߋ߬ ߕߍ߮ ߕߊ߬ߣߍ߲߫ ߞߎߣߎ߲߬ ߡߌߜ߭ߏߙߌ߫ ߘߎ߰ߞߣߍ ߞߊ߲߬ ߸ߞߋߣߌߦߊ߫ ߕߟߋ߬ߓߋ ߝߊ߲߭ ߠߊ߫ ߞߊ߬ߣߌ߲߬ ،ߞߊ߲ߕߌ߮ ߥߟߌߦߊߑߡ ߙߎߕߏ߫ ߡߊߓߏ߲߫ ߘߊ߫ ߏ߬ ߡߍ߲ ߘߐ߫. ߖߡߊ߬ ߟߊ߬ߘߍ ߘߏ߫ ߛߋ߲߭ߝߍ߬ ߸ߊ߬ ߕߍ߬ߘߍ߫ ߖߊ߬ߕߋ߬ߘߐ߬ߛߌ߮ ߦߙߌߥߊߟߌ ߦߌߟߊߟߞߊ ߘߏ߫ ߦߌ߬ߘߊߞߊ߭ ߞߊ߲߬ ߏ߬ ߡߍ߲ ߘߐ߫.
ߓߊ߬ߙߌ߬ ߸ߞߊ߲ߓߍ߲ ߞߊ߲ߕߌ߮ ߡߊ߫ ߝߏߦߌ߬ ߝߐ߫ ߊ߬ ߞߏ ߞߊ߲߬ ߸ߟߊ߬ߖߍ߲߬ߛߍ߲߬ߠߌ߲ ߠߎ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߊ߲ߕߌ߮ ߞߊ߬ ߛߊ߬ߡߘߊ ߡߌ߬ߣߊ߬ߣߍ߲߫ ߕߏ߫ ߟߴߊ߬ ߓߟߏߡߊߙߊ߲ ߘߐ߫ ،ߞߊ߬ ߓߋߟߋ߲ߠߊ ߕߐ߭ ߞߊ߬ߙߊ߲߬ ߸ߞߊ߬ ߓߊ߲߫ ߞߏ߫ ߤߊߟߴߊ߬ ߝߊ߬ߘߌ߬ߞߣߐ߬ߜߍ߲ߠߊ ߟߎ߬ ߞߊߣߵߊ߬ߟߎ߫ ߛߋ߲߬ ߓߌ߬ߟߴߊ߬ ߘߐ߫.
ߊ߬ ߞߏ ߞߏ߬ߣߌ߲ ߞߍ߫ ߞߐߝߍ߬ ߕߍ߮ ߛߋ߫ ߘߊ߫ ߞߍߟߊ߫ ߡߐ߰ ߛߓߊ߬ ߘߐ߫ ߸ߞߋߣߌߦߊ߫ ߝߐ߰ߓߍ߬ߘߊ ߟߋ߫ ߣߐ߬ ߏ߬ ߦߌ߬ߘߊ߬ ߟߊ߫.
ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߊߛߊߞ ߒߥߏߙߊ߫ ߞߵߊ߬ ߞߏ ߖߊ߲߬ߞߌ߬ ߕߥߌߕߍ߯ߙ ߛߌߟߊ ߝߍ߬ ߸ߞߊ߬ ߓߊ߲߫ ߞߊ߬ ߢߌ߬ߣߌ߲߬ߞߊ߬ߟߌ ߞߍ߫ ߖߊ߬ߡߊ ߞߎ߲߫ ߕߊ߲߬ ߞߴߏ߬ ߖߋ߬ߓߌ߬ߦߊ߬ߟߌ ߡߊߞߐ߬ߣߐ߲ :ߞߏ߫ ߣߌ߫ ߊ߲ ߓߍ߯ ߕߎ߲߬ ߞߵߊ߬ ߞߍ߫ ߢߐ߲߯ ߡߊߓߏ߲߫ ߘߌ߫ ߛߊ߬ߡߘߊ ߟߊ߫ ߸ߡߎ߲߬ ߕߊ߬ߡߌ߲߬ߕߐ߫ ߏ߬ ߞߐߝߍ߬ ؟ߊ߬ ߣߌ߫ ߞߏ߫ ߊ߲ ߞߍߕߐ߫ ߡߐ߬ߟߐ߲ ߢߌ߬ߡߊ߲߬ ߠߊߛߋ߫ ߟߊ߫ ߒ߬ ߞߐߡߐ߮ ߟߎ߫ ߡߊ߬ ؟.
ߤߊߟߌ߬ ߣߴߊ߬ ߕߘߍ߬ ߘߊ߫ ߞߏ߫ ߡߐ߰ ߡߊ߫ ߡߊߘߌߡߌ߲߫ ߖߊ߲߬ߖߏ߲ ߣߌ߲߬ ߛߋ߲߭ߝߍ߬ ߸ ߞߏ߬ߣߌ߲߬ ߊ߬ ߣߊ߬ߣߍ߲߫ ߘߍ߬ߘߐ߬ߦߊ ߜߟߍ߬ߦߊ ߘߏ߫ ߟߋ߬ ߞߣߐ߫ ߸ ߡߍ߲ ߟߊߥߟߌ߬ߣߍ߲߫ ߝߊ߬ߛߏ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߗߏ߯ߦߊ ߡߊߖߌ߰ߟߌ ߡߊ߬.ߞߴߏ߬ ߡߊߛߐ߬ߘߐ߲߬ ߢߣߊߡߦߊ ߟߊߜߟߍ߬ߦߊ ߣߌ߫ ߞߙߊ߬ߖߊߥߏ ߟߎ߫ ߛߐ߲߬ߞߐ ߡߊߦߟߍ߬ ߘߐ߫ ،ߏ߬ ߞߍߣߍ߲߫ ߛߊߓߎ߫ ߘߌ߫ ߞߊ߬ ߕߍ߯ߜߟߍߦߊ ߟߊߘߏ߲߬ ߖߡߊ߬ߣߊ߬ߘߋ߲ ߠߎ߫ ߢߐ߲߯ ߕߍ߫.
ߜߟߍ߬ߦߊ߬ ߓߊ߲ߘߊ ߣߌ߲߬ ߦߋ߫ ߝߊ߲߬ߞߊߘߏ߲߬ ߠߊ߫ ߥߛߊ߬ߘߋ߲ ߛߊߙߑߟߌ߫ ߏ߲ߜ߭ߏ߲ߘߏ߫ ߥߋߙߍ߫ ߝߊ߰ߟߌ ߟߋ߬ ߞߏߛߐ߲߬ ߞߐ ߣߌ߲߬ ߠߊ߫ ߸ ߡߍ߲ ߝߊ߰ ߘߊ߫ ߡߊ߬ߙߌ߬ߝߊ ߟߊ߫ ߣߊߦߙߏߓߌ߫ ߊ߬ߙߊ߬ߓߊ߫ ߕߊ߬ߡߌ߬ߣߍ߲. ߕߐ߲ߓߟߏߡߊ ߟߎ߬ ߟߊ߫ ߝߐߟߌ ߘߐ߫ ߸ ߡߐ߰ ߟߎ߫ ߓߌ߬ߟߊ߬ ߘߴߊ߬ ߞߐ߫ ߞߟߐ߬ߞߐ߬ߘߏ߮ ߘߐ߫ ߞߵߊ߬ ߡߊߓߏ߲߫ ߞߵߊ߬ ߝߊ߰ ، ߊ߬ ߝߊ߬ߓߊ߮ ߟߎ߫ ߕߘߍ߬ ߔߏߔߏ ߟߋ߬ ߞߊ߲߬ ߓߊ߬ߙߵ ߊ߬ ߝߊ߰ߓߊ߯ ߡߊ߫ ߟߐ߲߫ ߝߋߎ߫.
ߕߐ߲ߓߟߏߡߊ ߟߎ߬ ߟߊ߫ ߓߋߟߋ߲ߕߌ߮ ߡߎߛߌߙߌ߫ ߣߌߦߊߜ߭ߊ߫ ߞߊ߲߫ ߞߏ߫ ߞߏ ߣߌ߲߬ ߟߊߥߟߌ߬ߣߍ߲߫ ߊ߬ ߡߊ߫ ߟߋ߬.
ߊߓߎߓߞߊߙ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫
