ߛߣߍ߬ߜ߭ߊ߬ߟߌ߬ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߕߊ߯ߣߍ߲߫ ߠߋ߬ ߖߌ߬ߣߍ߫ ߓߌ߬ߛߊߥߏ߫ ߖߡߊ߬ߣߊ ߞߊ߲߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߕߟߋ߬ ߝߌ߬ߟߊ߬ ߓߐߒߡߊߟߌ߫ ߟߊ߫߸ ߞߵߏ߬ ߟߊߥߌ߬ߟߌ߫ ߛߌ߰ߢߐ߲߰ߦߊ ߓߊ߲ߓߊ߲ ߣߌ߫ ߞߏߟߊߘߍߢߐ߲߯ߦߊ ߝߊ߲߬ߞߊߘߏ߲߭ ߡߊ߬.
ߊ߬ ߟߊ߫ ߕߊ߯ߟߌ ߡߍ߲ ߦߋ߫ ߣߌ߲߬߸ ߊ߬ ߓߐߢߐ߲߯ߞߏߏ߫ ߞߊ߲ߕߌ߯ ߖߌ߬ߣߍ߬ߞߊ߫ ߎߡߊߙߏ߫ ߛߌ߬ߛߏ߬ߞߏ߫ ߊ߲ߓߊߟߏ߫ ߟߋ߬ ߞߵߊ߬ ߡߊߞߟߌ߫.
ߓߐߒߡߊߟߌ ߣߌ߲߬ ߞߍߕߐ߫ ߕߋ߬ߟߋ߫ ߝߌ߬ߟߊ߫ ߟߋ߬ ߞߣߐ߫߸ ߘߓߊ߬ߕߊ ߕߋ߬ߟߋ߫ ߂߆ ߣߴߊ߬ ߂߇ ߞߊ߬ߣߌ߲߬߸ ߞߵߏ߬ߏ ߟߊߥߌ߬ߟߌ߫ ߖߌ߬ߣߍ߫ ߓߌ߬ߛߊ߬ߥߏ߬ ߣߌ߫ ߛߣߍ߬ߜ߭ߊߟߌ߫ ߟߊ߫ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߭ ߡߊ߬߸ ߡߍ߲ ߠߎ߬ ߡߊ߫ ߘߍ߬ ߓߌ߬߸ ߊ߬ߟߎ߬ ߦߋ߫ ߢߐ߲߯ ߝߍ߬ ߞߊ߬ߦߌ߯ ߞߊ߬ߞߘߐ ߘߐ߫، ߊ߬ߟߎ߬ ߣߙߊߣߍ߲߫ ߢߐ߲߮ ߠߊ߫ ߘߎ߰ߡߊ߬ߛߓߍ ߘߐ߫߸ ߟߐ߲ߠߌ߲ߦߊ ߘߐ߫߸ ߏ߬ ߡߍ߲ ߦߴߊ߬ߟߎ߬ ߟߊ߫ ߛߌ߰ߢߐ߲߰ߦߊ ߕߎ߬ߙߎ ߘߌ߫.
ߊ߬ ߟߊ߫ ߕߊ߯ߡߊ ߣߌ߲߬ ߘߐ߫߸ ߞߊ߲ߕߌ߯ ߝߌ߬ߟߊ ߘߴߊ߬ߟߎ߫ ߛߌ߰ ߛߌ߰ߥߟߊ߬ ߞߋߟߋ߲߫ ߠߊ߫ ߞߊ߬ ߞߎߡߊ߫߸ ߊ߬ߟߎ߬ ߟߊ߫ ߗߋߘߋ߲ ߠߎ߬ ߝߣߊ߫ ߘߌ߫ ߢߐ߲߯ߦߋ߫، ߞߊ߬ߦߌ߯ ߞߎߣߎ߲߬ ߞߊ߯ߙߌ ߡߊ߬߸ ߊ߲ߓߊߟߏ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߓߐߢߐ߲߯ߞߏ ߓߍߣߊ߬ ߛߋ߲߬ߠߊ߬ߓߐ߬ߟߌ߬ ߞߍ߫ ߊ߬ ߝߍ߬ ߦߋ߲߬ ߓߌ߬ ߞߐ߬ߓߊ߬ߟߏ߲ ߡߊ߬߸ ߛߴߊ߬ߟߎ߬ ߘߌ߫ ߞߎߡߊ߫ ߓߘߍ߬ߓߘߍ߬ߟߌ߬ ߞߏ ߟߎ߬ ߣߌ߫ ߕߋߙߌߦߊ ߞߏߢߊ ߟߎ߬ ߞߊ߲߬.
ߖߏ߬ߡߊߦߌ߬ ߝߊߦߌ߬ ߕߊ߯ ߞߏ߫ ߛߓߊߣߊ߲ ߠߋ߬ ߓߌ߬ߛߊߥߏ߫ ߖߌ߬ߣߍ߫ ߖߡߊ߬ߣߊ ߞߊ߲߬ ߕߋ߲߬، ߊ߬ߟߋ ߟߋ߬ ߞߍ߫ ߘߊ߫ ߖߡߊ߬ߣߊ߬ ߘߌ߫ ߝߣߊ߫߸ ߖߏ߬ߡߊߦߌ߬ ߝߊߦߌ߬ ߞߵߊ߬ ߛߋ߲߭ ߟߐ߬ ߝߘߊ߬ߝߌ߲߬ ߖߡߊ߬ߣߊ߬ ߝߟߐߝߟߐ ߡߍ߲ ߞߊ߲߬߸ ߏ߬ ߟߋ ߞߍ߫ ߘߊ߫ ߖߌ߬ߣߍ߫ ߓߌ߬ߛߊߥߏ߫ ߘߌ߫߸ ߊ߬ ߟߊߛߌ߱ ߞߐ ߘߐ߫ ߂߀߂߄ ߕߙߊߓߊ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
