ߞߊ߬ߕߙߋߣ ߞߐ߲ߣߋߟߌ߫߸ ߊ߬ ߛߊ߲߬ ߆߈ ߠߋ߬ ߕߋ߲߬߸ ߏ߬ ߟߋ ߓߌ߬ߟߊ߬ߣߍ߲߫ ߡߊߦߌߞߍ߳ߟ ߤߌߖߌ߲ߖ߭ ߣߐ߭ ߘߐ߫ ߌߙߑߟߊ߲ߘߌ߬ ߞߎ߲߬ߠߊ߬.
ߓߌ߬ ߞߐ߬ߟߏ߲ ߣߌ߲߬ ߡߊ߬ ߣߍߣߍߓߊ ߕߟߋ߬ ߁߁߸ ߌߙߑߟߊ߲ߘߌ߬ ߞߊ߲ߓߍ߲ ߞߊ߲ߕߌ߯ ߁߀߲ ߠߊߛߌ߰ ߘߊ߫ ߥߊ߰ߣߍ߲ ߘߐ߫߸ ߏ߬ ߡߍ߲ ߞߍߣߍ߲߫ ߡߛߏ߬ ߘߌ߫߸ ߣߴߊ߬ ߕߐ߯ ߞߏ߫ ߞߊ߬ߕߙߋߣ ߞߐ߲ߣߋߟߌ߫߸ ߊ߬ ߛߌ߰ߣߍ߲߫ ߡߊߦߌߞߍ߳ߟ ߤߌߖߌ߲ߖ߭ ߠߋ߬ ߣߐ߭ ߘߐ߫߸ ߏ߬ ߟߊ߫ ߛߊ߲߬ ߁߄ ߟߐ߬ߒ߬ߞߋ߬ߟߊ ߓߊ߲ ߞߐߝߍ߬، ߡߏ߬ߛߏ ߣߌ߲߬ ߦߋ߫ ߓߘߍ߬ߓߘߍ߬ߟߌ߬ߟߊ߫ ߘߍߒߖߘߍߟߊ ߟߋ߬ ߘߌ߫߸ ߡߍ߲ ߞߵߊ߬ ߕߐ߮ ߕߏ߫ ߖߡߊ߬ߣߊ ߘߐ߬ߝߐ ߘߐ߫߸ ߊ߬ ߟߊ߫ ߡߛߏ߬ ߞߎ߲߬ߧߊ ߞߏߛߐ߲߬߸ ߞߵߏ߬ ߟߴߊ߬ ߟߊ߫ ߟߐ߬ߘߎ߰ߓߊ߬ߕߌ߰ߦߊ ߞߊ߲߬.
ߊߟߎ߫ ߦߴߊ߬ ߟߐ߲߫߸ ߊ߬ ߛߋ߲߬ߢߊ߬ ߝߟߐ߫ ߕߍ߫ ߣߌ߲߬ ߘߌ߫ ߡߏ߬ߛߏ ߦߋ߫ ߛߌ߰ ߌߙߑߟߊ߲ߘߌ߬ ߞߎ߲߬ߠߊ߫߸ ߞߊ߬ ߞߐ߲߰ ߊ߬ߟߋ ߢߍ߫߸ ߡߏ߬ߛߏ߫ ߝߌ߬ߟߊ߫ ߕߎ߲߬ ߓߘߊ߫ ߟߊߛߌ߰ ߞߘߐ߬ߡߊ߲߬߸ ߏ߬ ߟߎ߫ ߟߋ߬ ߡߋ߬ߙߌ ߙߏ߬ߓߌ߲ߛߍ߲߳ ߘߌ߫ (߁߉߉߀ ߣߌ߫ ߁߉߉߇)߸ ߏ߬ ߟߋ ߞߍ߫ ߘߊ߫ ߌߙߑߟߊ߲ߘ ߡߛߏ߬ ߞߊ߲߬ߕߌ߰ ߝߟߐߝߟߐ ߘߌ߫، ߏ߬ ߞߐߝߍ߬߸ ߡߋ߬ߙߌ ߡߞߊߟߌߛ ߣߊ߬ ߘߊ߫ (߁߉߉߇-߂߀߁߁)߸ ߏ߬ ߟߋ ߞߍ߫ ߘߊ߫ ߡߛߏ߬ ߝߌߟߊߣߊ߲ ߘߌ߫߸ ߡߍ߲ ߛߌ߰ ߌߙߑߟߊ߲ߘ ߞߎ߲߬ߠߊ߫، ߏ߬ ߕߊ߬ߣߍ߲ ߞߵߊ߬ ߟߊ߫ ߞߏߣߋߟߌ ߛߎߥߊ߲ߘߟߌ ߣߌ߲߬ ߞߊ߲߬߸ ߡߏ߬ߛߏ ߓߘߊ߫ ߘߝߊ߫ ߛߓߊ߬ ߟߊ߫߸ ߖߡߊ߬ߣߊ ߡߊ߬ߙߊ ߘߐ߫߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߟߐ߬ߘߎ߰ߓߊ߫ ߦߋ߫ ߡߏ߬ߛߏ ߟߎ߬ ߝߣߊ߫ ߓߟߏ߫ ߊ߬ߟߎ߬ ߟߊ߫ ߓߘߍ߬ߓߘߍ߬ߟߌ ߞߊߡߊ߲ ߞߣߐ߫.
ߡߏ߬ߛߏ ߢߌ߲߬ ߠߊߛߌ߱ ߝߍ߬ ߘߎߓߑߟߍ߲߫߸ ߞߊ߬ߕߙߋߣ ߞߏߣߋߟߌ߫ ߞߵߊ߬ ߝߐ߫ ߞߏ߫: <<ߡߌ߬ߙߌ߲߬ߘߌ ߓߘߊ߫ ߞߎߡߊ߫߸ ߞߊ߬ ߓߊ߲߫ ߞߊ߬ ߟߐ߬ߒ߬ߞߋ߬ߟߊ ߞߊ߬ߙߌ߬ߝߊ߬ ߒ ߠߊ߫߸ ߛߊ߫ ߒ ߘߌ߫ ߖߡߊ߬ߣߊ ߣߌ߲߬ ߞߍ߫ ߓߍ߯ ߛߊ߬ߥߏ ߘߌ߫߸ ߞߵߊ߬ ߞߍ߫ ߖߡߊ߬ߣߊ߬ ߘߌ߫߸ ߡߍ߲ ߘߴߊ߬ ߕߐ߮ ߘߓߐ߫߸ ߞߊ߬ ߓߍ߯ ߘߐߞߢߊ߫߸ ߞߊ߬ ߓߍ߯ ߟߊ߲߬ߓߋ߬ ߘߴߊ߬ ߡߊ߬߸ ߞߊ߬ ߓߐߘߊ߫ ߓߟߏߕߍ߰ߓߊߟߌ ߟߎ߫ ߛߌ߰ ߛߋ߲߬ߠߊ߫߸ ߞߊ߬ ߡߊ߬ߞߍ߬ ߦߙߐ߬ ߞߏ ߢߊߓߐ ߞߍ߫ ߓߊߖߎ ߘߌ߫.>> ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߓߙߊߡߊߖߊ߲ߓߊ߲ ߘߊߡߌ߬ߣߊ߬ ߘߊ߫ <<ߖߡߊ߬ ߜߍ߲ߛߍ߲ߞߍߙߍ߲>> ߠߋ߬ ߓߟߏ߫߸ ߓߊ߬ߙߵߊ߬ ߟߊ߲߬ߓߏ߲ ߕߊ߬ߡߌ߲߬ ߘߊ߫ ߥߙߊ߬ ߟߊ߫ ߡߌ߬ߙߌ߲߬ߘߌ ߝߍ߬ ߞߎߡߊ ߟߎ߬ ߞߐ ߘߐ߫߸ ߝߏ߫ ߖߌ߱ ߣߊ߬ ߘߊ߫ ߡߝߊ߫ ߞߊ߬ ߞߊ߲ߕߌ߯ߦߊ ߟߴߊ߬ ߕߍ߯ ߛߎߟߍ߫.
ߞߏߕߌ߯ ߝߟߐ ߦߋ߫ ߡߊߦߌߞߍ߳ߟ ߡߊߙߑߕߍ߲߫ ߡߍ߲ ߘߌ߫߸ ߏ߬ ߛߍߥߊߣߍ߲ ߞߊ߬ ߞߎߟߎ߲ߖߋߟߌ ߞߍ߫߸ ߞߵߊ߬ ߟߊߛߋ߫ ߞߏ߫: <<ߛߌߞߊ߫ ߛߌ߫ ߕߴߊ߬ ߘߐ߫߸ ߞߊ߬ߕߙߋߣ ߞߐ߲ߣߋߟߌ߫ ߓߍߣߊ߬߬ ߖߡߊ߬ߣߊ ߖߌ߱ ߡߝߊ߫>>، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߝߏ߬ߟߌ ߦߋ߫ ߡߊߦߌߞߍ߳ߟ ߤߌߖߌ߲ߖ߭ ߦߋ߫߸ ߏ߬ ߡߍ߲ ߝߣߊ߫ ߞߊ߬ <<ߓߏ߲߬ߓߊ߬>> ߞߍ߫ ߖߡߊ߬ߣߊ ߟߊ߫ ߥߙߎߞߌ ߡߊߘߍ߬ߡߍ߲ ߘߐ߫.
ߞߊ߬ߕߙߋߣ ߞߐ߲ߣߋߟߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߓߍߣߊ߬ ߝߊ߲߬ߞߊ ߘߌ߫ ߕߍߕߋߟߋ߲ ߣߌ߫ ߖߐ ߟߋ߬ ߡߊ߬ ߡߎߣߎ߲߬߸ ߞߏ߫ ߘߎߢߊ߫ ߥߊ߫ ߢߊ ߓߘߊ߫ ߞߍ߫ ߝߐߢߐ߲߯ߞߐ ߡߍ߲ ߠߎ߬ ߘߌ߫ ߣߌ߲߬߸ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߞߊ߫ ߞߊ߲߫ ߞߵߏ߬ ߛߌ߬ߣߊ ߟߋ߬ ߞߍ߫߸ ߞߊ߬ ߖߐ ߛߌ߲ߛߌ߲߫، ߊ߬ ߟߊ߫ ߛߎߥߊ߲ߘߟߌ ߡߍ߲ ߦߋ߫ ߣߌ߲߬߸ ߌߙߑߟߊ߲ߘ ߖߡߊ߬ߣߊ ߓߘߊ߫ ߓߌ߬ߟߊ߬ ߓߟߏ߫ ߞߎߘߊ߫ ߟߋ߬ ߘߐ߫ ߏ߬ ߘߌ߫߸ ߡߛߏ߬ߦߊ ߣߴߊ߬ ߕߊ߫߸ ߓߊ߬ߙߵߊ߬ ߞߊ߲ߕߌ߯ ߞߎߘߊ ߓߘߊ߫ ߟߊ߬ߤߘߌ ߕߊ߬ ߕߍߕߋߟߋ߲ ߠߊ߫߸ ߊ߬ ߣߌ߫ ߕߟߏߡߊߟߐ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
