ߢߐ߲߯ߦߋ ߡߍ߲ ߞߍ߫ ߞߍ߫ ߘߊ߫ ߓߏ߲ߜߍ ߟߊ߫߸ ߘߏߣߊߟ ߕߑߙߐ߲ߔ ߣߌ߫ ߝߘ߬ߊߝߌ߲߬ߠߊ߬ ߞߊ߲ߕߌ߮ ߘߏ߫ ߟߎ߫ ߕߍ߫߸ ߊ߬ ߞߊ߬ ߞߎߡߊ ߘߏ߫ ߟߐ߬ ߟߌߓߋߙߌߦߊ߫ ߞߊ߲ߕߌ߮ ߖ߭ߏ߬ߗ߭ߍߝ ߓߏߥߊߞߍ߫ ߡߊ߬߸ ߡߍ߲ ߟߐ߬ ߘߴߊ߬ ߟߊ߫ ߊ߲߬ߜ߭ߌ߬ߟߋ߬ ߞߊ߲߬ ߟߐ߲ ߡߊ߬، ߏ߬ ߞߊ߬ ߞߎߡߊ߫ ߓߎߚߎߕߎߕߎ ߟߊߛߌߦߊߦߊ߫ ߟߋ߬ ߘߍ߬ߞߙߏߝߏ ߟߎ߫ ߞߊ߲߬߸ ߓߍ߯ ߞߵߊ߬ ߝߐ߫ ߊ߬ ߕߊ߫ ߢߊ߫ ߡߊ߬، ߒ߬ߓߊ߬߸ ߟߌߓߋߙߌߌߦߊ߫ ߞߎ߲߬ߊߠ߬ߛߌ߮ ߓߘߴߊ߬ ߡߙߌߦߊ ߘߌ߫ ߏ߬ ߞߏ ߞߊ߲߬ ߞߊߟߌߦߊ߫ ߘߐ߫ ߌߞߘߐ߫߸ ߞߊ߬ ߞߎߡߊ߫ ߡߌߛߍ߲ ߓߊ߲߫.
ߓߏߥߊߞߍ߫ ߝߏ߬ߕߐ߬ߟߊ ߕߑߙߐ߲ߔ ߓߟߏ߫߸ ߊ߬ ߞߵߊ߬ ߝߐ߫ ߟߋ߬ ߞߏ߫: <<ߌ ߟߊ߫ ߊ߲߬ߜ߭ߌ߬ߟߋ߬ ߞߊ߲ ߛߊߣߌ߲ߡߊ߲߫ ߠߋ߬ ߝߋߝߋ߫... ߌ ߞߵߊ߬ ߞߊ߬ߙߊ߲߬ ߡߌ߲߫؟>> ߞߵߊ߬ ߖߘߍ߬ ߞߍ߫ ߦߏ߫ ߊ߬ ߡߴߊ߬ ߟߐ߫ߏ߫ ߊ߲߬ߜ߭ߌ߬ߟߋ߬ ߞߊ߲ ߠߋ߬ ߟߌߓߋߙߌߦߊ߫ ߞߎ߲߬ߠߊ߬ߛߌ߰ ߞߊ߲ ߘߌ߫ ߞߊ߬ߦߌ߯ ߊ߬ߟߎ߬ ߟߊ߫ ߖߡߊ߬ߣߊ ߟߊߘߊ߲ ߣߌ߫ ߛߌߛߍ߲߬ ߕߍ߫. ߓߏߥߊߞߍ߫ ߞߵߊ߬ ߦߌ߬ߘߊ߬ ߦߟߍߣߍ߲ߜߍ ߘߐ߫ ߦߋ߲߬߸ ߊ߬ ߣߌ߫ ߛߊ߬ߣߊ߲߬ߞߎ߲߬ߧߊ߬ ߕߏߟߏ߲ ߘߐ߫߸ ߞߏ߫ ߊ߬ ߞߵߊ߬ ߟߊ߫ ߞߊ߬ߙߊ߲ ߞߍ߫ ߊ߬ ߟߊ߫ ߖߡߊ߬ߣߊ ߟߋ߬ ߞߣߐ߫.
ߏ߬ ߟߋ ߞߎߡߊ ߢߊߝߐ߫ ߢߊ ߛߌߦߊߦߊ߫ ߘߊ߫ ߘߍ߬ߞߙߏߝߏ ߟߎ߫ ߞߊ߲߬ ߛߊ߫߸ ߘߏ߫ ߟߎ߫ ߖߍ߬ߘߍ ߞߵߊ߬ ߦߋ߫ ߘߐ߯ߦߡߊ ߣߌ߫ ߖߐ߬ߒ߬ߡߊ߬ߦߊ ߟߋ߬ ߘߌ߫߸ ߞߵߊ߬ ߞߍ߫ ߕߑߙߐ߲ߔ ߟߊ߫ ߓߐ߬ߘߍ߬ߓߐ ߘߌ߫ ߞߵߊ߬ ߟߐ߬ ߟߌߓߋߙߌߦߊ߫ ߞߊ߲ߕߌ߮ ߡߊ߬، ߒ߬ߓߊ߬߸ ߟߌߓߋߙߌߦߊ߫ ߞߐߞߊ߲ߞߏ ߟߎ߬ ߞߏߕߌ߮߸ ߛߊ߬ߙߊ ߓߋߦߌߛߟߏߝ߭ ߢߊ߲ߕߌ߫ ߓߘߴߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߤߊ߲ߞߟߌߣߊ߲ ߢߊߝߐ߫ ߖߊ߬ߡߊ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߏ߬ ߡߊ߫ ߝߐ߫ ߕߑߙߐ߲ߔ ߓߟߏ߫ <<ߣߊ߬ߣߌ߲߬ߠߌ߲߬ ߣߌ߫ ߞߎߡߊ߫ ߞߏߙߏ߲߫ ߞߊ߲ߡߊ߬ ߝߋߎ߫.>> ߊ߬ ߞߵߊ߬ ߝߏ߬ <<ߓߏ߲߬ߧߊ>> ߟߋ߬ ߞߣߐ߫ ߊ߬ ߟߊ߫ ߡߊ߬ߞߟߌ߬ߟߌ ߣߌ߲߬ ߘߐ߫߸ ߞߊ߬ ߕߊ߬ߡߌ߲߫ ߖߡߊ߬ߣߊ߫ ߝߌ߬ߟߊ ߟߊ߫ ߕߍߓߊ߯ߦߊ ߦߌ߬ߘߊ߬ ߟߊ߫ <<ߢߐ߲߯ ߓߏ߲ߧߊ ߞߣߐ߫.>>
ߣߌ߫ ߖߊ߬ߡߊ ߝߊ߲߬ߓߊ ߞߊ߬ ߕߑߙߐ߲ߔ ߟߊ߫ ߞߎߡߊ ߏ߬ ߞߍ߫ ߖߎ߯ߡߊ߲ ߘߌ߫߸ ߒ߬ߓߊ߬ ߘߏ߫ ߟߎ߫ ߞߵߏ߬ ߦߋ߫ ߞߎ߲߬ߠߊ߬ߦߋߙߋ߲ ߠߋ߬ ߘߌ߫߸ ߡߍ߲ ߦߋ߫ ߓߏ߲߬ߓߊ߬ ߘߌ߫ ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߕߍ ߘߐ߫، ߝߏ߫ ߊ߬ߟߎ߬ ߟߊ߫ ߘߐ߲߬ߞߟߌ߬ߟߊ߬ߟߊ߬ ߡߛߏ߫ ߞߑߥߌߣ ߖ߭ߎߟߌ߫ ߒߘߋ߫ ߓߘߊ߫ ߞߎߡߊ߫ ߢߌߡߊ߫ ߘߐߓߍ߲߬ ߞߵߊ߬ ߓߍ߲߬ ߏ߬ ߡߊ߬߸ ߞߏ߫ ߓߏߥߊߞߍ߫ ߟߋ߬ ߦߋ߫ <<ߊߝߙߌߞߌ߬ ߊ߲߬ߜ߭ߌ߬ߟߋ߬ ߞߊ߲߬ ߝߐ ߡߊ߲߬ߛߊ>> ߘߌ߫߸ ߏ߬ ߝߣߊ߫ ߟߊ߫ ߞߎߡߊ ߏ߬ ߓߘߊ߫ ߟߛߊߙߌ߫ ߓߟߐߟߐ ߞߊ߲߬ ߕߋ߲߬ ߞߏߛߓߍ߫.
ߟߌߓߋߙߌߦߊ߫ ߛߌ߲ߘߌ߫ ߘߊ߫ ߁߈߂߂ ߟߋ߬ ߟߊ߫ ߖߐ߲߬ ߞߘߐ ߟߎ߬ ߓߟߏ߫߸ ߞߵߊ߬ ߕߊ߬ ߝߟߐ߫ ߡߊ߬ ߤߊ߲߯ ߕߋ߲߬߸ ߕߍߓߊ߯ߦߓߊ߫ ߟߋ߬ ߦߋ߫ ߊߡߙߌߞߌ߬ ߣߌ߫ ߟߌߓߋߙߌߦߊ߫ ߕߍ߫. ߊ߬ߟߎ߫ ߞߵߊ߬ߟߎ߬ ߟߊ߫ ߖߘߍ߬ߕߌ߰ߦߊ ߟߊߥߊ߲߬ߞߊ߲߬ ߁߈߄߇ ߟߋ߬ ߟߊ߫߸ ߞߊ߬ ߊ߲߬ߜ߭ߌߟߋ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ ߞߎ߲߬ߠߊ߬ߛߌ߰ ߞߊ߲ ߘߌ߫߸ ߡߍ߲ ߡߊ߫ ߡߊߝߊ߬ߟߋ߲߬ ߤߊ߲߯ ߕߋ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
